काठमाडौं । शेयर बजार २४०० माथि उक्लिएको छ। आज कारोबार खुलेको आधा घन्टामै ३९.२१ अंकले बढेर २४०३.८५ को विन्दुमा उक्लिएको हो।
शेयर बजार लगातार उकालो लागिरहेको छ। आज इन्ट्राडेमै बजार २४०० माथि उक्लिएको हो। अहिलेसम्म २०८ कम्पनीको शेयरभाउ बढ्दा ३१ कम्पनीको घटेको छ। ३ कम्पनीको शेयरभाउ स्थिर रहेको छ।
आधार घन्टामै बजारमा सवा २ अर्ब रुपैयाँको कारोबार भइसकेको छ। सर्वाधिक कारोबार आँखुखोला जलविद्युतको भएको छ। यो कम्पनीको ८ करोड ६३ लाख रुपैयाँ बढीको शेयर कारोबार भएको छ।
नेप्से उपसमूहमा रहेका १३ वटै समूहमा हरियाली छाएको छ। लघुवित्त समूह सर्वाधिक ३.४७ प्रतिशतले उकालो लागेको छ।
