काठमाडौं । साताको अन्तिम कारोबार दिन शेयर बजार दोहोरो अंकले घटेको छ।
बजार आज १८.०६ अंकले घटेर १८५८.५३ को विन्दुमा झरेको छ। आज २०१ वटा कम्पनीको शेयरभाउ घट्दा ३२ वटा कम्पनीको शेयरमूल्य बढेको छ। आज २८९ कम्पनीका ४५ लाख ९५ हजार ५५३ कित्ता शेयर १ अर्ब ३२ करोड रुपैयाँ बढीमा कारोबार भएका छन्। कारोबार हिजोको तुलनामा बढेको छ।
घटेको बजारमा आज नेपाल इन्स्योरेन्स कम्पनीको सर्वाधिक ११ करोड ६७ लाख रुपैयाँ बढीको कारोबार भएको छ। सोनापुर मिरल्सको ८ कराड रुपैयाँबराबरको कारोबार भएको आज युनाइटेड इदी मर्दी हाइड्रोपावरको ५ करोड १९ लाख रुपैयाँ बढीको शेयर कारोबार भएको छ।
आज रुरु जलविद्युत परियोजनाका शेयरधनीहरु मालामाल भए। यो कम्पनीको शेयरभाउ ५.६३ प्रतिशतले बढेको छ। एनआईबीएल प्रगति फन्डको इकाइमूल्य ३.८७ प्रतिशतले बढ्दा लक्ष्मी भ्यालु फन्ड २को इकाइमूल्य ३.५२ प्रतिशतले बढेको छ।
