काठमाडौं । शेयर बजार खुलेको १५ मिनेटमै ३ अर्ब रुपैयाँ बढीको कारोबार भएको छ।
आज सुरुआती चरणमा शेयर बजार बढेको थियो। तर, यो समाचार तयार गर्दा (११ः१५ बजे)सम्म बजार ११.९९ अंकले घटेको छ। नेप्से २९८८.८२ को विन्दुमा रहेको छ।
बजार घटे पनि कारोबारमा भने रौनकता देखिएको छ। बजार खुलेको १५ मिनेटमै ३ अर्ब १० करोड रुपैयाँ बढीको कारोबार भइसकेको छ।
अहिलेसम्म ५६ कम्पनीको शेयरभाउ बढेको छ। भने १७७ कम्पनीको घट्दा ३ कम्पनीको स्थिर रहेको छ। अहिलेसम्म एनआरएन इन्फ्रास्ट्रक्चरको उच्च कारोबार भएको छ। यो कम्पनीको अहिलेसम्म २० करोड ८ लाख रुपैयाँ बढीको कारोबार भइसकेको छ।
हाल राष्ट्रिय बीमा कम्पनी र सम्पदा लघुवित्तको शेयरभाउमा माथिल्लो सर्किट अर्थात १० प्रतिशतको बढोत्तरी भएको छ।
