काठमाडौं । आज शेयर बजारमा नयाँ रेकर्ड कायम भएको छ । आज नेप्से परिसूचक र कारोबार रकमले नयाँ रेकर्ड कायम गर्दा सबैभन्दा धेरै नेपाल पुनर्बीमाको ६७ करोड १५ लाख रुपैयाँको शेयर कारोबार भएको छ । आज कम्पनीको शेयर मुल्य ४० रुपैयाँले बढेर १९ सय ९३ रुपैयाँमा कायम भएको छ । नेशनल लाइफ इन्स्योरेन्स कम्पनीको ३१ करोड ५६ लाख रुपैयाँको कारोबार भएको छ । कम्पनीको शेयर मुल्य ८० रुपैयाँले बढेको छ ।
त्यस्तै, अरुण कावेली पावर कम्पनीको ३१ करोड ४३ लाख रुपैयाँको शेयर कारोबार भएको छ । आज कम्पनीको शेयर मुल्य १४ रुपैयाँले बढेको छ । आइएमई जनरल इन्स्योरेन्स कम्पनीको ३० करोड ८४ लाख रुपैयाँको शेयर कारोबार भएको छ । कम्पनीको शेयर मुल्य ९५ रुपैयाँले बढेर १३ सय ७० रुप्ेयाँमा कायम भएको छ ।
