काठमाडौं । साताको तेस्रो दिन मंगलबार शेयर कारोबारमा खासै उत्साह देखिएन । शेयर कारोबार साढे चार अर्बमा सीमित हुँदा नेप्से परिसूचक ३.५४ अंकले घटेको छ । राजनीतिक अस्थिरताका बीचमा शेयर बजारले खासै उत्साह भर्न सकेको छैन ।
नेप्सेमा मंगलबार एक करोड ८ लाख नौ हजार ६२५ कित्ता शेयर चार अर्ब ५६ करोड ६३ लाख ८१ हजार १७८ रुपैयाँमा खरिद बिक्री भएको हो । कारोबार सेन्सेटिभ पनि १.४७ अंकले ऋणात्मक देखिएको छ । मंगलबार कूल २०६ वटा कम्पनीको शेयर कारोबार भएको छ ।
यसैबीच, गत आइतबारदेखि शेयर कारोबार सुरु भएको प्रभु लाईफ इन्स्योरेन्स कम्पनीको जम्मा ३० कित्ता शेयर खरिद बिक्री भएको छ । कारोबार सुरु हुँदा न्यून मूल्य राखेर कारोबार सुरु भएकोले बिक्रेता नहुँदा प्रभु लाईफ इन्स्योरेन्सको शेयर कारोबार स्वतन्त्र रुपमा हुन सकेको छैन ।
