नेपालकै अग्रणी निर्जिबन बीमा कम्पनीहरु मध्येको एक शिखर इन्स्योरेन्स र नेपालका लागि टाटा कम्पनीको आधिकारिक बिक्रेता सिप्रदी ट्रेडिङ्ग बीच क्यासलेस इन्स्योरेन्स सम्झौता भएको छ ।
शिखर इन्स्योरेन्सको प्रधान कार्यालय शिखर विजमा भएको एक कार्यक्रममा सिप्रदी ट्रेडिङ्ग प्रा. लि.को तर्फबाट सिप्रदी ट्रेडिङ्गका प्रमुख कार्यकारी अधिकृत राजनबाबु श्रेष्ठ र शिखर इन्स्योरेन्सको तर्फबाट संस्थाका प्रमुख कार्यकारी अधिकृत दीपप्रकाश पाण्डेले सो सहकार्य सम्बन्धि समझदारीपत्रमा हस्ताक्षर गरेका छन् ।
नेपालमै पहिलो पटक सञ्चालनमा ल्याउन लागेको यस योजना अन्तर्गत टाटा कम्पनीका जुनसुकै मोडलका गाडीहरु दुर्घटना भएको अवस्थामा ग्राहकले सिधै सिप्रदी ट्रेडिङ्गको आफूलाई पाएक पर्ने सर्भिस सेन्टरमा गएर गाडी मर्मत तथा बीमा दावी गर्न सक्नेछन् ।
योजना अन्तर्गत टाटाका जुनसुकै गाडी दुर्घटना भए सिप्रदीका कुनै पनि आधिकारिक सर्भिस सेन्टरबाट मर्मत र बिमा दावी गर्न सकिने कम्पनीले जनाएको छ। यो योजना नेपालमै पहिलो भएको र ग्राहकलाई छिटो, झन्झटरहित, सुलभ बीमा सेवा दिने कम्पनीको दावी छ।
