काठमाडौं । नेपाल बीमा प्राधिकरणले वैशाख २४ गते र वैशाख २६ गते हुने जीवन बीमा अभिकर्ताको अनलाइन परीक्षाको समय तालिका सार्वजनिक गरेको छ । प्राधिकरणले बीमा ऐन २०७९ अनुसार जीवन बीमा मध्यस्थकर्ताहरुको परीक्षा लिएरमात्रै इजाजत दिने व्यवस्था भएबमोजिम संचालन हुने जीवन बीमा अभिकर्ताको अनलाइन परीक्षाको समय तालिका सार्वजनिक गरेको हो ।
प्राधिकरणले वैशाख २४ गते सोमबार दिनको २ बजेबाट साढे ३ बजेसम्म संचालन गर्ने जनाएको छ । त्यस्तै प्राधिकरणले वैशाख २६ गते बुधबार दिउँसो २ बजेबाट साढे ३ बजेसम्म संचालन गर्ने बताएको छ ।
प्राधिकरणले आज वैशाख २३ गते पनि परीक्षा संचालन गर्दैछ । आज दिउँसो ३ बजेबाट साढे ४ बजेसम्म संचालन गर्ने जनाएको छ ।
