काठमाडौं । विश्वमै यो वर्ष (२०२४) सबैभन्दा राम्रो रिटर्न भारतीय आइपीओहरुले दिएका छन्। यो वर्षको ६ महिनामा भारतमा ३६ वटा आइपीओले लिस्टिङदेखि लिएर अहिलेसम्म औसत ५७ प्रतिशत रिटर्न दिएका छन्।
प्राइम डेटाबेस ग्रुपको तथ्यांकअनुसार भारतीय आइपीओको तुलनामा एसिय प्रशान्त क्षेत्रमा आएका अन्य आइपीओले औसत ३२ प्रतिशतमात्रै रिटर्न दिएको छन्। विश्वमै तुलना गर्ने हो भने भारतीय आइपीओले दुईगुणा बढी रिटर्न दिएका छन्।
भारतमा आउँदो ६ महिनामा थप १५ आइपीओ आउने सम्भावना छ। यी आइपीओबाट कम्पनीहरुले करिब भारु ९१ हजार करोड जुटाउने छन्।
भारतमा यो वर्षको पहिलो ६ महिनामा आएका आइपीआबाट कम्पनीहरुले भारु ८८.५ हजार करोड जुटाएका छन्। यी आइपीओ औसतभन्दा १२ गुणाले ओभरसब्सक्राइब्ड भएका थिए। –एजेन्सी
