काठमाडौं । भारतकै सबैभन्दा ठूलो जीवन बीमक भारतीय जीवन बीमा निगम (एलआईसी) गैरबैंकिङ सम्पत्तिको हिसाबले विश्वका उत्कृष्ट बीमकको वरियतामा एक स्थान माथि उक्लिएको छ।
भारतीय रुपैयाँको अवमूल्यनका बाबजुद पनि रेटिङ एजेन्सी एएम बेस्टले गैरबैंकिङ सम्पत्तिको हिसाबले विश्वका उत्कृष्ट बीमकको सूचीमा एलआईसीलाई १२ औँ स्थानमा राखेको हो। यसअघि एलआईसी यो सूचीको १३ औँ स्थानमा रहेको थियो।
खुद बीमाशुल्कका आधामार एलआईसीले आफ्नो स्थान १६ नम्बरमा कायम राखेको छ। सोमबार जारी गरिएको एएम बेस्ट र्यांकिङअनुसार एलआईसीको खुद बीमाशुल्क आर्जन १०.९ प्रतिशतले बढेर ५७.७ बिलियन डलर पुगेको छ। जबकि गैरबैंकिङ सम्पत्ति ७.६ प्रतिशतले बढेर ५५४ मिलियन डलर पुगेको छ।
गैरबैंकिङ सम्पत्तिको हिसाबले शीर्ष ५ कम्पनीमा क्रमशः एलियान्ज एसई (१ बिलियन डलर), पिङ एन (९६० मिलियन डलर), बर्कशायर ह्याथवे (४ ९४८ मिलियन डलर), चाइना लाइफ (८८५ मिलियन डलर ) र एक्सा (७१३ मिलियन डलर) छन्।
खुद बीमाशुल्क आर्जका हिसाबले शीर्ष ५ कम्पनीमा क्रमशः युनाइटेड हेल्थ ग्रुप (२५७ बिलियन डलर), सेन्टेन कर्प (१३६ बिलियन डलर), एलिभेन्स हेल्थ (१३३ बिलियन डलर), काइसर फाउन्डेसन ग्रुप अफ हेल्थ प्लान्स (१०८ बिलियन डलर) र पिंग एन (१०८ बिलियन डलर) छन्।
शीर्ष ५ बीमकमध्ये ४ वटा अमेरिकी कम्पनी छन्। –एजेन्सी
