काठमाडौं । आज भारतीय शेयर बजारमा उछाल आएको छ। भारतको प्रमुख शेयर बजार बिएससी (सेंसेक्स) र नेशनल स्टक एक्सचेन्ज(निफ्टी)मा वृद्धि देखिएसंगै लगानीकर्ता केही उत्साहित भएका छन्।
सरकारले बिहीबार गरिब जनतालाई राहत प्याकेज घोषणा गर्यो। गरिब जनतालाई राहत दिन वित्तमन्त्री निर्मला सीतारमणले धेरै ठूला घोषणा गरेसंगै चाँडै नै अब सरकारले उद्योगको लागी पनि एक व्यापक राहत प्याकेज घोषणा गर्ने अनुमानसंगै बजारमा ठूलो उछाल आएको छ।
बिएससी सेंसेक्स सूचक १४१० दशमलव ९९ को अंकले वृद्धि भएर २९९४६ दशमलव ७७ अंक मा बन्द भएको छ भने यसैगरी निफ्टी सूचक ३२३ दशमवल ६० अंकले वृद्धि भएर ८६४१ दशमलव ४५ अंकमा पुगेको छ।
भारत सरकारले कोरोना भाइरसको प्रभावलाई सामना गर्न प्रधानमन्त्री गरीब कल्याण योजना अन्तर्गत १.७ लाख करोडको राहत प्याकेज घोषणा गरेको छ । यसले धेरै चीजहरू समावेश गर्दछ जस्तै प्रत्यक्ष नगद स्थानान्तरण, कम लागतको खाद्य वस्तुहरू र बीमा।
