काठमाडौं । कास्की जिल्ला अदालतले राष्ट्रिय स्वतन्त्र पार्टी (रास्वपा) का सभापति रवि लामिछानेलाई धरौटीमा रिहा गर्न आदेश दिएको छ।
न्यायाधीश नितिज राईको इजलाशले बिहीबार लामिछाने पक्राउ परेको ८५ दिनपछि कास्की प्रहरी हिरासतबाट मुक्त गर्न आदेश दिएको हो। इजलाशले अन्य प्रतिवादीहरु छबिलाल जोशी, लिला पछाईं र रामबहादुर खानाललगायतलाई पनि हिराशतमुक्त गर्न आदेश दिएको छ।
सूर्यदर्शन सहकारी प्रकरणमा गत कात्तिक २ गते लामिछानेलगायतलाई प्रहरीले पक्राउ गरेको थियो। कास्की अदालतको आदेशसँगै लामिछाने पक्राउ परेको ८५ दिनपछि कास्की प्रहरी हिरासतबाट मुक्त हुनेछन्।
यसैगरी अदालतले अन्य प्रतिवादीहरु छविलाल जोशी, लीला पछाईं र रामबहादुर खानाललगायतलाई पनि थुनामुक्त गर्न आदेश दिएको छ। सूर्यदर्शन सहकारी प्रकरणमा गत कात्तिक २ गते लामिछानेलाई प्रहरीले पक्राउ गरेको थियो।
प्रहरीको अनुसन्धानपश्चात गत पुस ७ गते जिल्ला सरकारी वकिलको कार्यालयले सहकारीको रकम अपचलनको आरोपमा लामिछानेसहित ४४ जनाविरुद्ध मुद्दा दायर गरेको थियो। लामिछानेमाथि सहकारी ठगीसँगै संगठित अपराध र सम्पत्ति शुद्धीकरण कसुरमा समेत मुद्दा दायर भएको थियो। सरकारी वकिलको कार्यालयले सूर्यदर्शन सहकारीको रकम ठगी प्रकरणमा अहिलेसम्म ६३ जनाविरुद्ध कास्की अदालतमा मुद्दा दायर गरिएको थियो।
लामिछानेसहित १९ जनाविरुद्ध भने संगठित अपराधमा समेत मुद्दा चलाइएको थियो।
