काठमाडौँ । यो साता नेप्सेमा महुली लघुवित्त वित्तीय संस्थाको मात्र शेयर सूचिकृत भएको छ । नेप्सेको अनुसार संस्थाको ६ लाख ४२ हजार २ सय २१ कित्ता शेयर सुचिकृत भएको हो ।
नव किरण लघुवित्त वित्तीय संस्था लिमिटेड र महुली लघुवित्त वित्तीय संस्था लिमिटेड एक आपसमा १००ः९५ को अनुपातमा गाभिँदा कायम हुन आएको प्रति शेयर अंकित तथा चुक्ता मूल्य एक सय रूपैयाँ दरको ६ लाख ४२ हजार २ सय २१ कित्ता शेयर धितोपत्र सूचिकरण विनियमावली, २०७५ बमोजिम नेप्सेमा कारोबार हुन सक्ने गरी सूचिकृत भएको हो ।
