काठमाडौं । युनिलिभर नेपाल लिमिटेडले २७ औँ वार्षिक साधारण सभा आब्हान गरेको छ । गत आर्थिक वर्षको मुनाफाबाट शेयरधनीहरुलाई वितरण गर्ने घोषणा गरेको लाभांश पारित गर्न सभा आब्हान गरेको हो ।
कम्पनीले मंसिर १६ गते अपरान्ह ३ः४५ बजे भिडियो कन्फ्रेन्सिङ्गको माध्यमबाट सभा गर्न लागेको जनाएको छ ।
साधारण सभा तथा लाभांश वितरण प्रयोजनार्थ कम्पनीले कात्तिक २७ गते बुकक्लोज गर्ने भएको छ। यस अनुसार कात्तिक २६ गतेसम्म नेप्सेमा कारोबार भई कायम शेयरधनीहरुले सो लाभांश प्राप्त गर्न सक्नेछन्।
सभामा सञ्चालक समितिले सिफरिस गरेबमोजिम लाभांश स्वीकृत गर्ने, कम्पनीको व्यवसायिक सामाजिक उत्तरदायित्व अन्तर्गतको परियोजनाहरुको खर्चहरुलाई पारित गर्ने, कम्पनीको प्रबन्धपत्र र नियमावली संशोधन लगायतका प्रस्तावहरु रहेका छन् ।
कम्पनीले प्रतिकित्ता १०० रुपैयाँका दरले नगद लाभांश वितरण गर्ने घोषणा गरेको छ। असोज ९ गते बसेको कम्पनीको सञ्चालक समितिको बैठकले सो दरमा नगद लाभांश वितरण गर्ने निर्णय गरेको हो।
