काठमाडौं । आज शेयर बजार नेप्से २९ दशमलव ०१ अंकले घटेर २,५३२ दशमलव ४६ अंकको विन्दुमा कायम भएको छ । आज १ सय ९४ कम्पनीको १ करोड ५९ लाख ८५ हजार १ सय ९८ कित्ता शेयर किनबेच हुँदा ८ अर्बमाथिको शेयर करोबार भएको छ ।
आज सबैभन्दा धेरै ग्रामीण विकास लघुवित्तको २८ करोडमाथिको शेयर कारोबार भएको छ । त्यस्तै, प्रभु बैंकको २४ करोडमाथिको शेयर कारोबार भएको छ । ग्लोबल आइएमर्य बैंकको १९ करोडमाथि, डिप्रोक्स लघुवित्तको १८ करोडमाथिको शेयर करोबार भएको छ ।
हिमालयन डिस्टीलरी र नेपाल लाइफको १७ करोडमाथिको शेयर करोबार भएको छ । नविल बैंक, नेपाल पुनर्बीमा कम्पनी, नेपाल टेलिकम र एनआइसी एशिया बैंकको १५ करोडमाथिको कारोबार भएको छ ।
