काठमाडौं । शेयर बजार मंगलबार पनि घटेको छ। नेप्से परिसूचक ६.३२ अंकले घटेर १६६९.८२ को विन्दुमा बन्द भएको हो।
आज नेप्से उपमूहमा रहेका ४ वटा समूहमात्रै बढेको छ भने ९ वटा घटेको छ। यो दिन उत्पादन तथा प्रशोधन समूह सर्वाधिक ०.३३ प्रतिशतले बढेको छ भने जीवन बीमा समूह सर्वाधिक १ प्रतिशतले घटेको छ।
बजारमा आज ८५ वटा कम्पनीको शेयरभाउ बढ्दा १४८ वटाको घटेको छ भने १० वटाको स्थिर रहेको छ। यो दिन ४ अर्ब ४१ करोड रुपैयाँ बढीको कारोबार भएको छ।
आज जोशी हाइड्रोपावर र खानीखोला हाइड्रोपावरको शेयरभाउ साढे ७ प्रतिशत बढीले बढेको छ। गणपति लघुवित्तको करिब ७ प्रतिशत शेयरमूल्य बढ्दा उपकार लघुवित्त र महिला ललुघवित्तको शेयरभाउ पनि ६ प्रतिशत बढीले बढेका छन्।
