काठमाडौं । नेपाल राष्ट्र बैंकले आज मौद्रिक नीति ल्याउने तयारी गरेको छ । सरकार परिवर्तनका कारण पछाडि धकेलिएको मौद्रिक नीति साविक भन्दा २८ दिन पछाडि आउन लागेको हो । अर्थमन्त्री जनार्दशन शर्माले बुधबार श्वेत पत्र जारी गरेका थिए । यस सँगै केहि समय अगाडि सरकारले आफ्नो नीति तथा कार्यक्रम पनि सार्वजनिक गरिसकेको छ ।
सरकारको नीति तथा कार्यक्रम र कार्यदिशालाई केन्द्रमा राख्दै नेपाल राष्ट्र बैंकले मौद्रिक नीति ल्याउन लागेको हो । आज विहाना नेपाल राष्ट्र बैंकको सञ्चालक समितिको बैठक रहेको छ । उक्त बैठकले मौद्रिक नीतिलाई अन्तिम रुप दिए सँगै दिउसो गभर्नर महा प्रसाद अधिकारीले सार्वजनिक गर्ने छन् । मौद्रिक नीतिले कोभिड १९ का कारण प्रभावित ऋणीलाई केहि राहात प्रदान गर्ने जनाइएको छ ।
