काठमाडौं । मेगा बैंकको धादिङबेसी शाखामा रहेको एक जना कर्मचारीमा कोरोना पुष्टि भएको छ । उक्त शाखामा कार्यरत धादिङबेसी नै घर भएका ४७ वर्षका चालकलाई कोरोना पुष्टि देखिएको जनाएको छ ।
उनी आँखामा समस्या देखिएपछि शल्यक्रिया गर्न उनी काठमाडौँ स्थिति तिलगंगा अस्पताल पुगेका थिए । अस्पतालले शल्यक्रिया गर्नु अगाडी पीसीआर रिपोर्ट मागेपछि उनको स्वाब परिक्षण गरिएको थियो।
उनको स्वाब साउन ११ गते राष्ट्रिय जनस्वास्थ्य प्रयोगशाला टेकु पठाइएकोमा हिजो बुधबार रिपोर्ट पोजेटिभ आएको सोही शाखा कार्यालयले जनाएको छ ।
