आइएमई जनरल इन्स्यारेन्सले विभिन्न प्रस्ताव पारित गर्नका लागि आगामी असार २९ गते २१औं वार्षिक साधारणसभा गर्ने भएको छ । कम्पनीको जेठ २८ गते बसेको ७८औं बैठकको निर्णय अनुसार कम्पनीको चुक्ता पूँजी ९७ करोड २० लाखको ५ प्रतिशत बोनश शेयर पारित गर्नका लागि उक्त साधारण सभा गर्ने भएको हो ।
बोनश शेयर वितरण गरेर आइएमई जनरल इन्स्योरेन्सले न्युनतम चुक्ता पुँजी पुर्याउने भएको छ । कम्पनीले गत आर्थिक वर्षमा गरेको नाफाबाट सेयरधनीलाई ५ प्रतिशत बोनस सेयर वितरण गरेर चुत्तापुँजी १ अर्ब रुपैयाँ पुर्याउने भएको हो ।
सभामा संस्थापक शेयरधनीको तर्फबाट संचालक समितिमा प्रतिनिधित्व गर्ने १ जना संचालक पद रिक्त रहेकाले उक्त रिक्त पदमा बाँकि कार्यकालका लागि संचालक समितिबाट संचालक नियुक्ति गरिएकाले सोको अनुमोदन गर्ने ।
साथै,निर्जीवन बीमा व्यवसाय गर्ने उपयुक्त कम्पनीसँग गाभ्ने,गाभिने वा प्राप्ति गर्ने सम्बन्धि सम्पुर्ण अधिकार सञ्चालक समितिलाई दिनका लागि सभामा प्रस्ताव पेश गरिने भएको छ ।
