काठमाडौं । दोस्रो पटक मृगौला प्रत्यारोपण गरेर स्वास्थ्यलाभ गरिहेका प्रधानमन्त्री केपी शर्मा ओलीको स्वास्थ्य बिग्रिएछि गएराति नै अस्पताल भर्ना भएका छन् । प्रधानमन्त्रीका प्रेस सल्लाहकार सूर्य थापाका अनुसार प्रधानमन्त्री ओलीको स्वास्थ्य सामान्य भइसकको र आजै डिस्चार्ज गर्ने तयारी भइरहेको छ ।
गएराति अचानक प्रम ओलीको मुटुको चाल बढेपछि मध्यराति शिक्षण अस्पतालको मनमोहन कार्डियोथेरासित एण्ड ट्रान्सप्लान्ट सेन्टर पुर्याइएको थियो । राति देखि नै प्रम ओलीको स्वास्थ्यमा सुधार आइसकेको छ ।
प्रधानमन्त्रीका निजि चिकित्सक डा. दिव्यासिंह शाहको भनाई उदृत गर्दै प्रम ओलीका सचिवालयमा प्रेसको जिम्मेवारी लिएका थापाले सामाजिक सञ्जालमार्फत् प्रम ओलीको स्वास्थ्य अवस्था सामान्य भइसकेकाले आर्ज डिस्चार्ज गरिने जनाएका छन् । थापाले लेखेका छन्, ‘सम्माननीय प्रधानमन्त्री केपी शर्मा ओलीज्यूको मुटुको धड्कन बढ्ने समस्या देखिएको हुनाले हिजो राती मनमोहन सेन्टर महाराजगंजमा भर्ना गरिएको छ । प्रधानमन्त्रीज्यूको स्वास्थ्य अवस्था सामान्य भइसकेको हुनाले आजै डिस्चार्ज गरिने उहाँका निजी चिकित्सक प्राडा दिव्यासिंह शाहले बताउनुभएको छ ।’
प्रम ओलीको गत फागुन २१ गते दोस्रो पटक मृगौला प्रत्यारोपण गरिएपछि निवासमै भेटघाटलाई सीमित गरेर स्वास्थ्यलाभ गर्दै आएका छन् ।
