काठमाडौं । प्रभु केबलकार एन्ड टुरिजमले आफ्ना शेयरधनीहरुलाई १०० प्रतिशत हकप्रद शेयर यही मंसिर २९ गतेबाट बिक्री खुला गर्ने भएको छ।
कम्पनीले हाल कायम चुक्तापुँजीको १ः१ अनुपातमा साबिक संस्थापक शेयरधनीहरुका लागि हकप्रद जारी गर्न लागेको हो। कम्पनीले १०० रुपैयाँ अंकित दरका कुल ७० लाख कित्ता शेयर बिक्री खुला गर्नेछ।
संस्थापक शेयरधनीहरुले आउँदो माघ ४ गतेसम्म हकप्रद शेयर खरिदका लागि आवेदन दिन सक्नेछन्। आवेदन काठमाडौंको तीनकुनेस्थित कम्पनीको कार्यालयमा दिन सकिनेछ।
