काठमाडौं । साताको पहिलो कारोबार दिन आइतबार शेयर बजारमा हरियाली छाएको छ। बजार ५२.९७ अंकले बढेर २२५७.५९ को विन्दुमा बन्द भएको छ।
नेकपा एमाले र नेपाली कांग्रेसको गठबन्धनमा नयाँ सरकार गठन हुनुअघि शेयर बजारमा चमक देखिएको हो। एमाले अध्यक्ष केपी शर्मा ओली प्रधानमन्त्री बन्दैछन् भने अर्थमन्त्रीमा विष्णु पौडेलको चर्चा रहेको छ। विष्णु पौडेल अर्थमन्त्री बन्ने लगभग पक्काजस्तै भएकै कारण लगानीकर्ताको मनोबल बढ्दा शेयर बजार उकालो लागेको हो।
भारी अंकले बढेको बजारमा आज २०१ कम्पनीको शेयरभाउ उकालो लागेको छ। यो दिन ३६ कम्पनीको शेयरभाउ घट्दा ५ कम्पनीको शेयरभाउ स्थिर रहेको छ।
बजारमा आज ७ अर्ब ६२ करोड रुपैयाँ बढीको कारोबार भएको छ। सर्वाधिक किनबेच जानकी फाइनान्सको भएको छ।
आज उच्च कारोबार भएका १० कम्पनी
- जानकी फाइनान्सः २४ करोड २७ लाख रुपैयाँ
- एनआरएन इन्फ्रास्ट्रक्चरः २१ करोड २७ लाख रुपैयाँ
- ग्लोबल आइएमई बैंकको संस्थापक शेयरः २० करोड ७५ लाख रुपैयाँ
- नेपाल फाइनान्सः १९ करोड १७ लाख रुपैयाँ
- हिमालयन रिइन्स्योरेन्सः १५ करोड १४ लाख रुपैयाँ
- सीईडीबी हाइड्रोपावरः १३ करोड ३८ लाख रुपैयाँ
- हिमालयन डिस्टिलरीः १२ करोड २० लाख रुपैयाँ
- सिद्धार्थ प्रिमियर इन्स्योरेन्सः ११ करोड ६६ लाख रुपैयाँ
- शाइन रेसुंगा डेभलपमेन्टः ९ करोड २२ लाख रुपैयाँ
- ङादी ग्रुप पावरः ९ करोड १३ लाख रुपैयाँ
