काठमाडौं । भारतीय सेयर बजार आज सोमबार नयाँ रेकर्ड स्तरमा पुगेको छ।
सुरुआती कारोबारमा आज सेन्सेक्सले ६८५८७.८२ को विन्दुमा पुगेको हो। जुन हालसम्मकै उच्च हो। निफ्टी बढेर अहिलेसम्मकै उच्च विन्दु २०६०२.५० को विन्दुमा उक्लिएको छ।
यसअघि सेन्सेक्सको अल टाइम हाई ६७९२७ थियो । जुन भारतीय सेयर बजारमा गत सेप्टेम्बर १५ मा बनाएको थियो।
निफ्टीको अल टाइम हाई भने २०२७२.७५ रहेको थियो। निफ्टीले गत डिसेम्बर १ मा यो उचाइ बनाएको थियो। जुन आज ब्रेक भएको छ। आज सेन्सेक्स लगभग १००० अंक र निफ्टी ३०० अंकले बढेर कारोबार भइरहेको छ।
भारतीय सेयर बजारमा उछाल आउने यी हुन् ३ कारण
- भाजपाले ५ मध्ये ३ राज्य विधानसभा चुनावमा बहुमत प्राप्त गरेको छ।
- दोस्रो त्रैमासमा भारतको जीडीपी ७.६ प्रतिशत पुगेको छ। जुन रिजर्भ बैंक अफ इन्डियाको अनुमान ६.५ प्रतिशतभन्दा १.१ प्रतिशतले बढी हो।
- अमेरिकी बजार गत शुक्रबार बढोत्तरीका साथ बन्द भएको थियो। एसियाली बजार पनि उछाल आइरहेको छ। –एजेन्सीको सहयोगमा
