काठमाडौं । भारतीय शेयर बजार आज फेरि नयाँ उचाइमा पुगेको छ। सेन्सेक्ट र निफ्टी दुवैले अलटाइम हाई बनाएका हुन्।
सेन्सेक्स आज ८२२८५ को विन्दुमा बन्द भएको छ। कारोबारसत्रमा सेन्सेक्स ८२६३७ को विन्दुसम्म पुगेको छ। यसअघि सेन्सेक्स बिहीबार ८२१३४ को विन्दुमा बन्द भएको थियो।
यसैगरी निफ्टी पनि आज २५२३५ को विन्दुमा बन्द भएको छ। यसअघि बिहीबार निफ्टी २५१५१ को विन्दुमा बन्द भएको थियो। आज कारोबारसत्रमा निफ्टी २५२५७ को विन्दुसम्म पुगेको थियो।
आज अन्य एसियाली बजारमा हरियाली छाएको छ। जापानको निक्केई ०.७४ प्रतिशत र हङकङको ह्याङसाङ १.१४ प्रतिशतले उकालो लागेको छ। चीनको सांघाई कम्पोजिट पनि ०.६८ प्रतिशत र कोरियाको कोस्पी ०.४५ प्रतिशतले बढेको छ।
अमेरिकाको शेयर बजारमा डाओ जोन्स ०.५९ प्रतिशतले बढेर ४१३३५ को स्तरमा बन्द भएको छ। नास्डक भने ०.२३ प्रतिशत घटेर १७५१६ मा बन्द भएको छ। –एजेन्सी
