भरतपुर अस्पतालले बीमा गरेका बिरामीका लागि छुट्टै विभाग खोलेर बहिरङ्ग सेवा शुरु गरेको छ । अस्पतालले बिरामीको चाप बढेपछि वैशाख महिनाबाट बीमा सम्बन्धि नयाँ विभाग संचालनमा ल्याएको हो ।
बीमा गरेकाले अन्य विभागबाट पनि सेवा लिन सक्ने व्यवस्था गराएको अस्पतालले जनाएको छ । सरकारले हाल बीमाका बिरामीलाई प्रथम सेवा विन्दुको रूपमा प्राथमिक स्वास्थ्य केन्द्र र सरकारी अस्पताल तोकेकाले सरकारी अस्पतालमा बिरामीकोे भीड लाग्ने गरेपछि बहिरङ्ग सेवा थप गरेको अस्पतालले जनाएको छ ।
