काठमाडौं । बैंकिङ प्रणालीमा एकैदिन ७ अर्ब रुपैयाँ थपिएको छ। नेपाल राष्ट्र बैंकको तथ्यांकअनुसार जेठ १३ गते बैंक तथा वित्तीय संस्थाहरुको कुल निक्षेप ६२ खर्ब ७ अर्ब रुपैयाँ पुगेको छ। जेठ १२ गते बैंक तथा वित्तीय संस्थाहरुको कुल निक्षेप ६२ खर्ब थियो। यो हिसाबले बैंकहरुको कुल निक्षेप ७ अर्ब रुपैयाँले बढेको छ।
तथ्यांकअनुसार जेठ १३ मा वाणिज्य बैंकहरुको कुल निक्षेप ७ अर्ब रुपैयाँले ५४ खर्ब ९० अर्ब रुपैयाँ पुगेको छ। अघिल्लो दिनसम्म वाणिज्य बैंकहरुको कुल निक्षेप ५४ खर्ब ८३ अर्ब रुपैयाँ थियो।
जेठ १३ मा बैंक तथा वित्तीय संस्थाको कुल कर्जा लगानी पनि १ अर्ब रुपैयाँले बढेर ५१ खर्ब १७ अर्ब रुपैयाँ पुगेको छ। अघिल्लो दिनसम्म बैंकहरुको कुल कर्जा लगानी ५१ खर्ब १६ अर्ब रुपैयाँ थियो। निक्षेप बढ्दै गए पनि कर्जाको माग भने बढ्न नसकेको देखिन्छ।
जेठ १३ मा बैंकहरुको औसत सीडी रेसियो घटेर ८०.२२ प्रतिशतमा झरेको छ। अघिल्लो दिनसम्म औसत सीडी रेसियो ८०.२९ प्रतिशत थियो। अन्तरबैंक ब्याजदर भने पुनः ३ प्रतिशतभन्दा तल झरेको छ।
