काठमाडौं । बुटवल पावर कम्पनीले विगत पाँच आर्थिक वर्षको नगद लाभांश बुझिलिन शेयरधनीहरुलाई आग्रह गरेको छ । कम्पनीले आर्थिक वर्ष ०६१/६२ देखि ०६९/ ७० सम्मको नगद लाभांश अधिकांश शेयरधनीहरुले नबुझेकाले आगामी एक महिनाभित्र बुझिलिन आग्रह गरेको हो ।
कम्पनीले यस अवधिसम्म पनि लाभांश नबुझेमा उक्त रकम लगानीकर्ता संरक्षण कोषमा जम्मा हुने जनाएको छ ।
कम्पनीले वैशाख ५ गतेसम्म कायम रहेको लाभांश बुझ्न बाँकी शेयरधनीहरुको विवरण कम्पनीको वेबसाइटमा राखिएको समेत बताएको छ ।
