काठमाडौं । विश्वभरी झण्डै चार महिनादेखि संक्रमण फैलिइरहे पनि नेपालमा धेरै नेदेखिएको कोरोना भाइरस पछिल्लो केही दिनदेखि श्रृंखलाबद्ध नयाँ नयाँ रेडर्क कायम गर्दै अघि बढिरहेको छ । बाँकेमा समुदायमा फैलिएको पुष्टि भएको कोरोना भाइरस दुई दिन अघि बीरगन्जमा पनि समुदायमा फैलिएको पुष्टि भएको छ । यसै क्रममा आज कपिलबस्तुका १६ र २२ बर्षिय पुरुषमा कोरोनाको संक्रमण पुष्टि भएसँगै कूल संक्रमितको संख्या १०१ पुगेको हो ।
स्वास्थ्य तथा जनसंख्या मन्त्रालयका अनुसार राष्ट्रिय जनस्वास्थ्य प्रयोगशाखा टेकुमा गरिएको परिक्षणमा कोरोना पोजेटिभ देखिएको हो । उनीहरुको अवस्था सामान्य छ ।
