काठमाडौं । नेपाल बीमा प्राधिकरण मधेश प्रदेश कार्यालयले बुधबार महोत्तरी जिल्लाको बर्दिबास क्षेत्रमा रहेका जीवन, निर्जीवन तथा लघु बीमकका प्रदेश प्रमुख तथा शाखा र उपशाखा प्रमुखसँग छलफल गरेको छ।
छलफलका क्रममा प्राधिकरणको मधेश प्रदेश कार्यालय प्रमुख कुसुम शर्माले बीमकको शाखा तथा उपशाखामा रहेका समस्याका बारेमा जानकारी लिएर ती समस्याको समाधान गर्न मार्गदर्शन दिएकी थिइन्।
शर्माले बीमकको शाखा तथा उपशाखाले अभिकर्ताको तालिमलाई प्रभावकारी बनाई बीमासम्बन्धी पर्याप्त ज्ञान भएको दक्ष्य अभिकर्ता भित्र्याउनुपर्ने, शाखा तथा उपशाखा पालिकाको निरन्तर रुपमा सम्पर्कमा रहनुपर्ने र बीमक सहर केन्द्रितमात्र नभई प्रत्येक गाउँ–गाउँमा गई बीमाको साक्षरता अभिवृद्धि गरी दायरा विस्तारको क्षेत्रमा काम गर्नर प्राधिकरणको नीति, नियम र परिधिभित्र रही कार्य गर्न निर्देशन दिइन्।
