काठमाडौं । शेयर बजारमा मंगलबार हरियाली छाएको छ। नेप्से परिसूचक ७५.३३ अंकले बढेर २५६३.४३ को विन्दुमा उक्लिएको छ।
नेप्सेले चुमेको यो उचाइ २८ महिनायताकै उच्च हो। यसअघि २०७८ चैत मा नेप्से यो उचाइमा रहेको थियो।
नयाँ सरकार गठन र अर्थमन्त्रीमा विष्णु पौडेल आएसँगै शेयर बजार लगातार उकालो लागिरहेको छ। आज नेप्सेको कुल बजार पुँजीकरण पनि ४० खर्ब ६७ अर्ब ४२ करोड रुपैयाँ पुगेको छ।
नेप्सेको बजार पुँजीकरण सोमबार ३९ खर्ब ४७ अर्ब ८८ करोड रुपैयाँ थियो। यो हिसाबले आज एकैदिन लगानीकर्ताको सम्पत्ति १ खर्ब १९ अर्ब ५३ करोड रुपैयाँले बढेको छ।
