काठमाडौँ । आज साताको पहिलो दिन नेपाली बजारमा सुनको मूल्य बढेको छ । आज आइतबार सुनको मूल्य तोलामा ६ सय रुपैयाँले बढेर प्रतितोला ९० हजार ६ सय रूपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
त्यस्तै, आइतबार तेजावी सुनको मूल्य पनि तोलाको ६ सय रुपैयाँले नै बढेर प्रतितोला ९० हजार एक सय ५० रुपैयाँ कायम भएको छ ।
आज चाँदीको मूल्य पनि तोलामा २० रूपैयाँले बढेर प्रतितोला एक हजार ३ सय १० रूपैयाँमा कारोबार भइरहेको महासंघले बताएको छ ।
