काठमाडौँ । नेपाली बजारमा आज (बुधबार) पनि सुनको मूल्य बढेको छ । आज बुधबार सुनको मूल्य तोलामा ५ सय रुपैयाँले बढेर प्रतितोला ९१ हजार रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । यस्तै, तेजावी सुनको मूल्य पनि तोलामा ५ सय रुपैयाँले नै बढेर प्रतितोला ९० हजार ५ सय ५० रूपैयाँमा कारोबार भएको छ ।
त्यसैगरी, बुधबार चाँदीको मूल्य पनि तोलामा ३० रुपैयाँले बढेर प्रतितोला एक हजार एक सय ८५ रूपैयाँमा कारोबार भइरहेको महासंघले बताएको छ ।
