काठमाडौं । आज सोमबार पनि सुन चाँदीको भाउ घटेको छ । आईतबार तोलाको १ लाख २ हजार ६ सय रुपैयाँमा कारोबार भएको छापावाला सुनको भाउ २ सय रुपैयाँले घटेर आज १ लाख २ हजार ४ सय रुपैयाँमा कारोबार भइरहेको छ ।
तेजावी सुनपनि आज तोलामा २ सय रुपैयाँले नै घटेर १ लाख १ हजार ९ सय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ ।
त्यस्तै, चाँदीको भाउ पनि आज सोमबार १५ रुपैयाँले घटेको छ । आज चाँदी तोलाको १३ सय ९५ रुपैयाँमा कारोबार भइरहेको छ ।
