काठमाडौं । नेपाल बीमा प्राधिकरण लुम्बिनी प्रदेश कार्यालयले बीमा सम्बन्धी सचेतनाका लागि विभिन्न स्थानमा होर्डिङ बोर्ड राखेको छ । प्राधिकरणको लुम्बिनी प्रदेश कार्यालयले बीमा सचेतनामुलक स्लोगन तथा ट्राफिक नियम सहितको होर्डिङ बोर्ड राखेको हो ।
सुनौली बोर्डरमा, बुटवल गोलपार्कमा, तौलिहवामा, भालुवाङमा र कोहल्पुर बाँकेमा बीमा सचेतना सम्बन्धी होर्डिङ बोर्ड राखिएको हो । उक्त होर्डिङ बोर्डमा ट्राफिक सचेतनाका विषयवस्तुहरु समेत समावेश गरिएको छ ।
बीमा कम्पनीका भैरहवाका कर्मचारीहरुको सहयोगमा राखिएको उक्त होर्डिङ बोर्डको माध्यमबाट आम सर्वसाधारणहरुले बीमा सम्बन्धी जानकारी प्राप्त गर्ने तथा सडक दुर्घटना समेत न्यूनीकरण गर्न सहयोग गर्ने अपेक्षा प्राधिकरणको रहेको छ ।
