काठमाडौं । प्रधानमन्त्री केपी शर्मा ओलीको आज गरिएको मृगौला प्रत्यारोपण सफल भएको छ । उपचारमा संलग्न चिकित्सकहरुका अनुसार आज विहानदेखि सुर गरिएको अपरेशन चार घण्टामा पूरा भएको हो ।
प्रा.डा. अरुण सायमीका अनुसार प्रम ओलीको शरीरमा ट्रान्सप्लान्ट गरिएको मृगौलाले काम गर्न सुरु गरेको छ । उहाँ होसमा आएपछि अस्पतालले पत्रकार सम्मेलन गरेर विस्तृत विवरण र थप जानकारी दिने जनाइएकोछ । गत असोजदेखि मृगौलामा समस्या आएपछि प्रधानमन्त्री ओली सिंगापुर पुगेर समेत उपचार गरेका थिए ।
२०६४ सालमा भारतको एपोलो अस्पतालमा पहिलो पटक मृगौला प्रत्यारोपण गरेका प्रम ओलीको आज गरिएको प्रत्यारोपण दोस्रो पटक हो ।
