काठमाडौं । अन्डाको भाउ घटेको छ। नेपाल लेयर्स कुखुरापालक संघले प्रतिक्रेट ५० रुपैयाँले अन्डाको भाउ घटाएर आजबाट नयाँ मूल्य निर्धारण गरेको हो।
संघका अनुसार अब प्रतिक्रेट मिडियम साइजको अन्डाको ४४० रुपैयाँ र ठूलो अन्डाको ४५५ रुपैयाँ कायम गरेको छ।
यसअघि संघले कात्तिक २० गते अन्डाको नयाँ मूल्य निर्धारण थियो। जसअनुसार प्रतिक्रेट मिडियम साइजको अन्डाको ४९० रुपैयाँ र ठूलो अन्डाको ५०५ रुपैयाँ तोकिएको थियो।
संघले एक्सएल (सबैभन्दा ठूलो) अन्डाको भाउ भने तोकिएको छैन। कात्तिक २० गते एक्सएल अन्डा प्रतिक्रेट ५२० रुपैयाँ निर्धारण गरिएको थियो।
