केही समय अघि मात्र संचालनमा आएको सानिमा जनरल इन्स्योरेन्सले आफ्नो तेश्रो त्रैमासको वित्तिय विवरण सार्वजनिक गरेको छ। कम्पनीले आर्थिक वर्षको तेश्रो त्रैमाससम्म ९ करोड ३९ लाख कुल बीमा शुल्क आर्जन गरेको छ भने २ करोड ७६ लाख खुद बीमा शुल्क आर्जन गरेको छ। कम्पनीमा हाल ७ हजार ९ सय ८९ बीमा लेख संख्या कायम छन्। कम्पनीले तेश्रो त्रैमास सम्म २ करोड ३ लाख खुद नाफा गरेको छ।
कम्पनीको हाल पुँजी ७० करोड रुपैयाँ छ। निर्जीवन बीमा कम्पनीले १ अर्ब पुँजी पुर्याउनु पर्नेमा कम्पनीले बाँकी रकम आईपीओमा निस्काशन गर्ने देखिन्छ। कम्पनीको जगेडा कोषमा १ करोड ७५ लाख संचित छ भने बीमा कोषमा २ करोड १७ लाख रुपैया संचित छ।
तेश्रो त्रैमास सम्म कम्पनीले २१ लाख ४० हजार कुल दावी भुक्तानी गरेको छ भने १० लाख २४ हजार खुद दावी भुक्तानी गरेको छ।
१ करोड १२ लाख रुपैया भुक्तानी हुन बाँकी दावी रकम देखिन्छ । कम्पनीको प्रति शेयर आम्दानी ३ रुपैया ८८ पैसा आउछ भने १०५ रुपैया ६१ पैसा किताबी मूल्य छ।
