काठमाडौं । नेप्से परिसूचकको उच्च विन्दु २०७८ साल भदौ २ गते कायम भएको थियो। सो दिन नेप्से परिसूचक ३२०० भन्दा माथि पुगे पनि बन्द हुँदा ३१९८ मा बन्द भएको थियो। उक्त दिन १५ फाइनान्स कम्पनीहरुको शेयर कारोबार भएको थियो । १५ कम्पनीमध्ये मन्जुश्री फाइनान्सको शेयरमूल्य सर्वाधिक थियो । यो कम्पनीको शेयरमूल्य प्रतिकित्ता १ हजार ३७० रुपैयाँ थियो । त्यस्तै दोस्रोमा गोर्खाज फाइनान्सको शेयरमूल्य सर्वाधिक थियो। यो कम्पनीको शेयरभाउ प्रतिकित्ता १ हजार २९९ थियो।
सोही दिन सबैभन्दा कम शेयरमूल्य भएको फाइनान्समा प्रोग्रेशिभ फाइनान्स थियो। प्रोग्रेशिभको शेयरमूल्य प्रतिकित्ता ५२० रुपैयाँमा अन्तिम कारोबार भएको थियो।
