काठमाडौं । आज शेयर बजार नेप्से परिसूचक ९५ दशमलव ४६ अंकले बढेर २,४२० दशमलव ९१ को विन्दुमा कायम भएको छ । आज २ अर्ब ५३ करोड १२ लाख ७५ हजार रुपैयाँको शेयर कारोबार हुँदा सबैभन्दा धेरै सानिमा बैंक संस्थापक शेयरको कारोबार भएको छ । आज कम्पनीको संस्थापक शेयर २२ करोडमाथिको शेयर कारोबार भएको छ ।
त्यस्तै, शिवम् सिमेन्टको ११ करोड ७६ लाख रुपैयाँको शेयर कारोबार भएको छ । अरुण भ्याली हाइड्रोपावर कम्पनीको ९ करोड १२ लाख रुपैयाँको शेयर कारोबार भएको छ । हिमालयन डिष्टिलरीको ८ करोड ४१ लाख रुपैयाँको शेयर कारोबार भएको छ ।
