काठमाडौं । आज मंगलबार शेयर बजारमा भारी गिरावट आएको छ । आज नेप्से परिसूचक १११ दशलमव ९६ अंकले घटेर २,७८२ को विन्दुमा कायम भएको छ । आज २० कम्पनीको मात्रै शेयर मूल्य बढेको छ भने २२३ कम्पनीको शेयर मूल्य घटेको छ ।
आज सबैभन्दा धेरै तारागाउँ रेजेन्सी, आत्मानिर्भर लघुवित्त र दोल्ती पावरका लगानीकर्ताले कमाएका छन् । आज यी ३ कम्पनीका लगानीकर्ताले १० प्रतिशतका दरले कमाएका हुन् । थ्रि स्टारका लगानीकर्ताले ९ दशलमव ८१ प्रतिशतका दरले कमाएका छन् ।
