काठमाडौं । साताको पहिलो कारोबार दिन आज (आइतबार) नेप्से परिसूचक र कारोबार रकम दुवैले नयाँ रेकर्ड बनाएका छन् । आज नेप्से परिसूचक ५० दशमलव १३ अंकले बढेर २९०६ दशमलव ८९ को विन्दुमा कायम भएको छ ।
आज दिनभरिमा २ सय १८ वटा कम्पनीको ३ करोड ७४ लाख ५५ हजार १ सय ८९ कित्ता शेयर किनबेच हुँदा १७ अर्ब २७ करोड रुपैयाँमाथिको शेयर कारोबार भएको छ ।
नेपाल पुनर्बीमा कम्पनीको १ अर्ब २१ करोड रुपैयाँ माथिको कारोबारको सर्वाधिक शेयर कारोबार भएको छ । निफ्राकोे ८३ करोड ९० लाख रुपैयाँ बराबरको शेयर कारोबार भएको छ।
महिला लघुवित्तका लगानीकर्ताले १० प्रतिशतका दरले कमाएका छन् भने गुडबिल फाइनान्सका लगानीकर्ताले ९ दशमलव ९८ प्रतिशतका दरले कमाएका छन् ।
राधी हाईड्रोपावरको शेयर ८ दशमलव ५६ प्रतिशतका दरले गुमाएका छन् भने दिव्यश्वरी हाईड्रोपावरका लगानीकर्ताले ६ दशमलव ९१ प्रतिशतका दरले गुमाएका छन् ।
