काठमाडौं । हिजो दोहोरो अंकले घटेको बजारमा आज भने करिब १० अंकले वृृद्धि भएको छ । आज साताको अन्तिम दिन शेयर बजार नेप्से परिसूचक ९ दशमलव ८७ अंकले बढेर १,८६० दशमलव २० को विन्दुमा कायम भएको छ ।
आज १ अर्ब ३४ करोड ८३ लाख रुपैयाँको शेयर कारोबार हुँदा नविल बैंकको सर्वाधिक शेयर कारोबार भएको छ । आज यस बैंकको १३ करोड १० लाख रुपैयाँको शेयर कारोबार भएको छ । आज सोनापुर मिनरल्सको ९ करोड ५८ लाख रुपैयाँको शेयर कारोबार भएको छ । सानिमा जिआइसी इन्स्योरेन्सको ५ करोड ४१ लाख रुपैयाँको शेयर कारोबार भएको छ । सिटिजन लाइफ इन्स्योरेन्सको ५ करोड ३० लाख रुपैयाँको शेयर कारोबार भएको छ ।
