काठमाडौं । नेपाल स्टक एक्सचेञ्जमा दुई कम्पनीको शेयरमूल्य समायोजन भएको छ। नेशनल लघुवित्त वित्तीय संस्था र ङादी ग्रुप पावरको शेयरमूल्य समायोजन भएको हो। यी कम्पनीले बुक क्लोज गरेसँगै नेप्सेले मूलय समायोजन गरी नयाँ मूल्य निर्धारण गरेको हो ।
नेप्सेले नेशनल लघुवित्तको १४.२५ प्रतिशत बोनस शेयर समायोजन गरेको हो भने ङादी ग्रुप पावरको १०० प्रतिशत हकप्रद शेयर समायोजन गरेको हो। समायोजनपश्चात नेशनल लघुवित्तको शेयरमूल्य १ हजार ३५५ रुपैयाँ र ङादीको २८९ रुपैयाँ कायम भएको छ।
नेप्सेले अघिल्लो कारोबार दिनको अन्तिम मूल्यका आधारमा यी कम्पनीहरुको शेयरमूल्य समायोजन गरेको हो। अघिल्लो कारोबार दिन अर्थात सोमबार दोस्रो बजारमा नेशनलको शेयर प्रतिकित्ता १ हजार ५४९ रुपैयाँ र ङादीको प्रतिकित्ता ४७८ रुपैयाँमा अन्तिम कारोबार भएको थियो।
यही समायोजित मूल्यका आधारमा आज दोस्रो बजारमा यी कम्पनीहरुको शेयर कारोबार खुल्नेछ।
