काठमाडौं । नेपाल सरकारको तर्फबाट नेपाल राष्ट्र बैंकद्धारा निष्काशन भएको ६९ अर्ब ९४ करोड रुपैयाँको विकास ऋणपत्रहरु नेपाल स्टक एक्सचेन्जमा सूचिकृत भएको छ । नेपाल स्टक एक्सचेन्जले अनलाइन प्रणालीबाटै दोस्रो बजारमा ऋणपत्रको कारोबार खुला गरे सँगै सरकारले जारी गरेका यस्ता ऋणपत्र कारोबार गर्न सकिने छ ।
नेपाल राष्ट्र बैंकले विभिन्न समयमा नेपाल सरकारको विकास ऋणपत्र जारी गर्दै आएको छ । राष्ट्र बैंकले २०७६ सालमा निष्काशन गरेको ऋणपत्रहरु दोस्रो बजारमा कारोबारका लागि सूचिकृत गराएको हो । उक्त ऋणपत्रहरु ६ वर्षदेखि १४ वर्ष अवधिसम्मका रहेका छन् ।
