काठमाडौं । नेपाल सरकाले स्थापना गरेको केन्द्रीय कोरोना उपचार कोषमा सरकारी, अर्धसरकारी तथा गैर सरकारी कम्पनीहरुले रकम जम्मा गर्ने क्रम जारी छ । यसैक्रममा सरकारी लगानीको नेपाल टेलिकमले आज १२ करोड रुपैयाँ कोरोना उपचार कोषमा रकम जम्मा गरेको छ ।
नेपालको अग्रणी दुरसञ्चार कम्पनी नेपाल टेलिकमले कोरोना भाइरस संक्रमण रोकथाम, नियन्त्रण तथा उपचार कोषमा १२ करोड रुपैयाँको चेक आज हस्तान्तरण गरेको छ ।
उक्त रकम दुई करोड कर्मचारीहरुले आप्नो तलव कटाएर दिएका छन् भने कम्पनीको खाताबाट १० करोड रुपैयाँ गरी कूल १२ लाख रुपैयाँको चेक बिहिवार सञ्चार मन्त्रालयमा आयोजित कार्यक्रममा नेपाल टेलिकमका प्रबन्ध निर्देशक डिल्लीराम अधिकारीले हस्तान्तरण गरेका हुन् ।
