काठमाडौं । नेपाल आयल निगमले शुक्रबारदेखि लागू हुने गरी पेट्रोल डिजल र मट्टीतेलको नयाँ बिक्री मूल्य तोकेको छ। निगमका अनुसार पेट्रोल प्रति लिटर २ रुपैयाँ र डिजेल मट्टीतेल ४ रुपैयाँका दरले घटाएर नयाँ बिक्री मूल्य तय गरिएको छ।
काठमाडाैं पोखरा र दिपायल डोटीको बजारमा पेट्रोलको मूल्य रु. १७० र डिजेलमट्टीतेलको मूल्य रु. १६० कायम गरिएको छ। यसैगरी चारआली विराटनगर जनकपुर अमलेखगञ्ज भलवारी नेपालगञ्ज धनगढी र वीरगञ्जका उपभोक्ताले पेट्रोल र डिजेल प्रतिलिटर क्रमशः रु १६७।५० र रु १५७।५० का दरले खरिद गर्न पाउने भएका छन्। यसबाहेक सुर्खेत र दाङका उपभोक्ताले प्रतिलिटर १६९ र १५९ का दरले पेट्रोल र डिजल खरिद गर्न पाउनेछन् ।
निगमले पेट्रोल र डिजलमट्टीतेलको प्रतिलिटर मूल्य अन्तर १० रुपैयाँ कायम गरेकाले पेट्रोलमा मट्टीतेलको मिसावटलाई प्रोत्साहन मिल्ने देखिएको छ।
