विश्व बैंकले चालु आर्थिक वर्षमा नेपालको आर्थिक बृद्धिदर ७ दशमलव १ प्रतिशतले विस्तारित हुने प्रक्षेपण गरेको छ। कमजोरी सरकारी खर्च, बजार संरचनामा सिन्डिकेट तथा बढ्दो ब्यापार घाटाका बाबजुद पनि पर्यटक आगमनमा भएको वृद्धि , निजी लगानीमा भएको विस्तार तथा बिजुली आपूर्ति सहज लगायतका कारण उच्च आर्थिक बृद्धि हुने प्रक्षेपण विश्व बैंकले गरेको हो ।
अर्थमन्त्री डा. युवराज खतिवडाले ७ प्रतिशत आर्थिक वृद्धि हुने प्रक्षेपण गरेका थिए । विश्व बैंकले मूल्यवृद्धि भने ४.१ प्रतिशत हुने अनुमान गरेको छ
विश्व बैंकले प्रत्येक ६ महिनामा नेपालका आर्थिक अवस्थाको चित्रणसहितको प्रतिवेदन सार्वजनिक गर्ने गर्दछ । चालु वर्ष पनि नेपालको निर्यात व्यापार सुधार नभएकाले व्यापार घाटा फराकिलो बन्दै गएपनि आयातमा उपभोग्य वस्तुको तुलनामा औद्योगिक आयात बढेकाले सकारात्मक गतिमा अर्थतन्त्र बढेको बताइएको छ।
