चालु आर्थिक वर्ष २०७५/७६ को तेस्रो त्रैमासको अवधिमा निर्जीवन बीमा कम्पनीहरुले १३ लाख ५६ हजार ९ सय वटा बीमालेख जारी गरेका छन् । अघिल्लो आवको सोही अवधिमा कम्पनीहरुले १२ लाख ९६ हजार ७ सय ७४ वटा बीमालेख जारी गरेका थिए ।
कम्पनीहरुले प्रकाशन गरेको वित्तीय विवरण अनुसार चैत्र महिनासम्ममा शिखर इन्स्योरेन्सले सबैभन्दा धेरै २ लाख १५ हजार ९ सय ५ वटा बीमालेख जारी गरेको छ । अघिल्लो आवको सोही अवधिमा कम्पनीले २ लाख १५ हजार ६ सय २ वटा बीमालेख जारी गरेकाे थियो । त्यस्तै शिखर पछि नेको इन्स्योरेन्सले २ लाख ४ हजार १ सय ३ वटा बीमालेख जारी गरेको छ । नेको इन्स्योरेन्स पछाडि बढी बीमालेख जारी गर्ने कम्पनी एनएलजी इन्स्योरेन्स रहेको छ । तेस्रो त्रैमासको अवधिमा कम्पनीले १ लाख २४ हजार ८ सय ५६ वटा बीमालेख जारी गरेको छ । गत आवको सोही अवधिमा कम्पनीमा १ लाख २५ हजार १ सय २ वटा बीमालेख जारी भएका थिए ।
नयाँ कम्पनीहरुले जारी गरे ५७ हजार १ सय ६४ बीमालेख
अजोड इन्स्योरेन्सको २९ हजार ४ सय ७
तेस्रो त्रैमासको अवधिमा ३ नयाँ निर्जीवन बीमा कम्पनीहरुले ५७ हजार १ सय ६४ वटा बीमालेख जारी गरेका छन् । सो अवधिमा अजोड इन्स्योरेन्सले सबैभन्दा धेरै २९ हजार ४ सय ७ वटा बीमालेख जारी गरेको छ । यस्तै दोस्रोमा रहेको छ जनरल इन्स्योरेन्स । तेस्रो त्रैमासको अवधिमा जनरल इन्स्योरेन्सले १९ हजार ७ सय ८० वटा बीमालेख जारी गरेको छ भने सानिमा इन्स्योरेन्सले २ हजार ३ सय ६८ बीमालेख जारी गरेको छ भने सानिमा जनरल इन्स्योरेन्सले ७ हजार ९ सय ८९ बीमालेख जारी गरेको छ ।
