काठमाडौं । बैङ्किङ्ग प्रणालीमा तरलता वृद्धि भएसँगै नेपालको शेयर बजारले बुलिस प्रवृति समातेकोमा केही समय देखिनै तरलता अभाव र व्याजदर वृद्धिको कारणले समग्र नेपाली शेयर बजारमा ठूलो गिरावट आएको छ । नेपाली एक मात्र दोश्रो बजार भाद्र २ गते सबै भन्दा धेरै ३१९८ को विन्दुमा बन्द भएको थियो।
भाद्रको पहिलो साता सर्वाधिक उच्च विन्दुमा पुगेको बजार कार्तिकको पहिलो साता आउदा सम्म नेप्से परिसूचक २५०० मा आएको छ । यो बीचमा नेप्से परिसूचकमा करिव २२ प्रतिशतको गिरावट आएको छ। भाद्र २ गते ३१९८ को विन्दुको बजार कार्तिक २ गते आउँदा २५१० को विन्दुमा आएको छ। 
यो २ महिनाको अवधिमा हाईड्रोपावर उपसुचकमा सर्वाधिक गिरावट देखिएको छ। हाईड्रोपावर उपसुचकमा करिव ३५ प्रतिशतको गिरावट आउँदा फाइनान्स उपसुचकमा पनि ३५ प्रतिशतकै गिरावट देखिएको छ। इन्भेस्टमेन्ट उपसुचकमा ३४ प्रतिशतको गिरावट आउँदा विकास बैंक उपसुचकमा करिव २८ प्रतिशतको वृद्धि देखिएको छ।
सबै भन्दा थोरै म्युचअल फण्ड उपसुचकमा करिव १२ प्रतिशतको गिरावट आउँदा वाणिज्य बैंकहरुको उपसुचकमा १६ प्रतिशतको गिरावट आएको छ ।
