काठमाडौं । सरकारले जेठ एक गतेदेखि लागु हुने गरी सातामा दुई दिन विदा दिने निर्णय पछि शैक्षिक संस्था लगायत केहि पक्षहरुले विरोध गरिरहेका छन् । तर बीमा समितिले भने सरकारले गरेको निर्णय अनुरुप सातामा दुई दिन विदा दिने निर्णयलाई कार्यान्वयन गराउने भएको छ ।
नेपाल सरकारको निर्णय अनुरुप बीमा समिति तथा बीमा कम्पनीहरुमा पनि शनिवार र आइतबार दुबै दिन बिदा दिइने बीमा समितिका कार्यकारी निर्देशक राजुरमण पौडेलले जानकारी दिए । उनले भने ‘सरकारको निर्णय अनुसार बीमा क्षेत्रमा पनि दुई दिन विदा दिने निर्णय कार्यान्वयन हुन्छ ।’
व्यवसाय विस्तारको दवावमा रहने बीमा कम्पनीका कर्मचारीहरुलाई भने दुई दिनको विदाले प्रभाव पार्ने देखिन्छ । प्रायः जीवन बीमा कम्पनीका शाखाले शनिवारका दिनमा समेत विभिन्न कार्यक्रम आयोजना गर्ने गरेको हुँदा दुई दिनको विदाले उनिहरुलाई भने असर पार्ने देखिन्छ ।
पछिल्ला दिनमा जीवन बीमा कम्पनीको व्यवसायिक बृद्धि खासै हुन सकिरहेको छैन । नेपाल सरकारले इन्धनको खपत घटाउने उद्देश्यले सातामा दुई दिने विदालाई परिक्षणका रुपमा अगाडी सारे पनि यसका विषयमा चौतर्फी टिकाटिप्पणी हुने गरेको छ ।
तर विश्वका अधिकाम्स देशहरुले सातामा दुई दिन सार्वजनिक विदा दिने प्रचलन धेरै छ । धर्म, संस्कृति तथा परम्परा अनुसार विश्वका धेरै देशहरुले आ-आफ्नै हिसावले बिदा दिने गरेका छन् । नेपालमा सातामा ४० घण्टा काम गर्नै पर्ने प्रचलन छ । ४० घण्टा भन्दा धेरै काम लगाउनु पर्यो भने अतिरिक्त पारिश्रमिक दिनु पर्ने व्यवस्था छ ।
सोहि अनुरुप सरकारले कार्यालय समय साढे ९ बजेदेखि साढे ५ बजेसम्म पुर्याएको छ । लामा दिनमा यो समय उपयुक्त रहे पनि छोटा दिनमा यो त्यति धेरै व्यवहारिक देखिदैन । तर सातामा दुई दिन विदा हुँदा घर गृहस्थी भएका अझ महिलाहरुका लागि सबैभन्दा उपयुक्त हुने विज्ञहरु बताउछन् ।
सरकारले परिक्षणका रुपमा अगाडी सारेको यस्तो अभ्यासको प्रभाकारिता कायान्वयनमा आएको केहि समय पछि मात्रै थाहा होला तर अहिले यो बहसकै विषयमा केन्द्रित छ ।
के दुई दिने बिदाले साँच्चिनै बिगार गर्ला ? ईश्वर पोखरेलको लेख
