काठमाडौं । नेपाल हाइड्रो एन्ड इलेक्ट्रिकले एकैपटक दुई आर्थिक वर्षको वार्षिक साधारणसभा डाकेको छ। कम्पनी सञ्चालक समितिको बैठकले १८औँ र १९औँ वार्षिक साधारणसभा एकैपटक डाकेको हो। सभा साउन ६ गते रुपन्देहीको बुटवलस्थित कम्पनीको रजिस्टर्ड कार्यालयमा बिहान ११ बजेबाट हुनेछ।
सभाले आर्थिक वर्ष २०७८।७९ र २०७९।८० को वार्षिक प्रतिवेदन पारित गर्नुका साथै लेखापरीक्षकको वित्तीय विवरण अनुमोदन गर्नेछ। सभाले सञ्चालक समितिले प्रस्ताव गरेको आर्थिक वर्ष २०७८।७९ का लागि चुक्तापुँजीको ८ प्रतिशत बोनस शेयर र कर प्रयोजनार्थ ०.४२ प्रतिशत नगद लाभांश तथा आर्थिक वर्ष २०७९।८० का लागि चुक्तापुँजीको १० प्रतिशत बोनस शेयर र कर प्रयोजनार्थ ०.५३ प्रतिशत नगद लाभांश अनुमोदन गर्नेछ।
सभाले नेपाल इन्भेस्टमेन्ट मेगा बैंकबाट ऋण सीमा (बैंकको क्रेडिट सुविधा) स्वीकृत गर्नेछ। सभाले बोनस शेयर वितरणपछि कम्पनीको पुँजी वृद्धि हुने भएकोले प्रबन्धपत्र र नियमावलीमा संशोधन गर्ने विशेष प्रस्ताव पारित गर्नेछ।
